موضوع الحصول على بطن مشدود بقي من اهم احتياجات الانسان فى حياته الطبيعيه .. الموضوع  بقى منتشر اعلانيا وبقى فى ادويه كتير بتضر الجسم ومش بتساعد على ان الموضوع ده يتم .. الموضوع ده هيكون خط البدايه لجسم رشيق رياضى

مبدئيا الموضوع ده مش هيتم الا لو ركزنا على جزئين اتنين بس .. وهما الاكل الصحى وممارسة الرياضة .. الموضوع بيحتاج اكيد شويه صبر .. بس مقارنه بالعلاجات الى بنشوفها على التلفزيون دى هيبقى وقت قياسى جدا جدا

اهم النصائح للحصول على بطن مسطح و مشدود

1-الاهتمام بالوجبات الغذائيه

طريقه الحصول على بطن مشدود

الاهتمام بالاكل الصحى بيعتبر من اهم الحاجات الى بتساعدك انك تحصل على جسم رياضى وبطن مسطح ومشدوده .. يعنى لازم يكون الاكل معظمه خضراوات مفيده ولازم يكون مفيهوش اكل مليان سعرات حراريه زى اكل المطاعم الجاهزه الى بتساعد على السمنه والترهلات .. وهنقول على اهم الحاجات الى لازم تهتموا بيها فى موضوع الوجبات الغذائيه ده :-

أ) الاهتمام بأن الوجبات تكون فى مواعيدها

طريقه الحصول على بطن مشدود

لازم الجسم ياخد كفايته من الاكل فى مواعيد مناسبه ومينفعش اننا نفوت وجبه او ننقلها لوقت تانى لان الجسم دايما بيبقى محتاج للغذا عشان يساعد ان الطاقه تكون موجوده دايما و عشان تكون حافز اساسى لممارسه الرياضه .. لان مش هينفع ممارسه رياضه من غير وجود اكل .

ب) الابتعاد عن الاطعمه ذات السعرات الحراريه العاليه

طريقه الحصول على بطن مشدود

الاطعمه الى فيها سعرات حراريه كبيره بتكون مليانه دهون وكوليسترول زى البرجر والحلويات الى مليانه سكريات ودى حاجات مش بتخلى البطن مسطحه وبتساعد على وجود الكرش .. المفترض ان الاكلات دى ممنوعه .. لكن لو اكلت منها ممكن تعوض بالتمرين والجرى السعرات الحراريه الى اكتسبتها من الاكل ده .

ج) تناول الاطعمه القليله فى اوقات كثيره مختلفه

طريقه الحصول على بطن مشدود

الجسم دايما بيحتاج للطعام الى بيكون ليه زى مصدر القوه .. وممكن نقلل كميه الطعام مع زياده عدد مرات تناول الطعام فى اليوم الواحد .. بمعنى .. انه من الممكن انى اتناول كميه قليله من الطعام فى المره الواحده .. لكن ممكن اكل اكتر من 5 او 6 مرات فى اليوم .. لانى زى ماقولت فى كلامى السابق ان الجسم دايما بيحتاج للطعام لكن ف اوقات محدده والطريقه دى بتعمل على تقسيم الغذاء فى الجسم بحيث ان الطعام القليل بيبقى على قدر احتياج الجسم فى الوقت ده .

د) تناول الاطعمه التى تشعرك بالشبع

طريقه الحصول على بطن مشدود

فى انواع كتيره من الطعام الانسان اما بياكلها بيحس انه شبعان ومبتكسبش الجسم سعرات حراريه كبيره وهتساعده بسرعه كبيره جدا انه يحصل على جسم رياضى .. يعنى بدلا من تناول البرجر والكريب و الاطعمه الى بتكون غير مشبعه وفى نفس الوقت مليانه بالسعرات الحراريه ، ممكن تناول دجاج محمر او البيض او الفاصوليا او البطاطس او الجبن ده من الخضراوات ..  اما الفواكه زى التفاح والعنب و الموز .. الاكل الصحى ده بيبقى السر الخفى فى اللياقه البدنيه لاى جسم .. وبوجود اللياقه البدنيه هيبقى موضوع الحصول على البطن المشدوده من المواضيع المتاحه بسهوله وفى وقت قياسى جدا .

ه) التوقف عن الطعام عند الشعور بالشبع

طريقه الحصول على بطن مشدود

معظم الناس بتفضل انها تاكل حتى انتهاء الطعام الموجود امامها .. المفترض انه الجسم اخد كفايته من الطعام وان الاكل الزياده الى الناس بتضيفه للمعده ده بيبقى خطر على البطن لانه بيأخر موضوع الحصول على البطن المسطحه بالاضافه الى انه بيؤدى الى بعض الاوجاع بالمعده .. لان ده بنسميه الحمل الزائد على المعده Overload .. عشان كده مش شرط الاكل الموجود كله يخلص .. اول ما المعده تكتفى بالطعام وتحس بالشبع يبقى الاكل انتهى .

احنا كده انتهينا من اول شق من الحصول على البطن المشدوده والمسطحه .. الحلم قريب بس محتاج تكمل الطريق للاخر بالصبر و المثابره .. الشق التانى من موضوعنا هو الرياضه وهنتكلم عنه بتوسع فى الموضوع .

2- ممارسه الرياضه بأستمرار وانتظام

طريقه الحصول على بطن مشدود

ممارسه الرياضه من الاشياء المحببه جدا للقلب .. بتتلخص الرياضه فى تمرينات مختلفه من اول رياضه المشى لحد ممارسه الرياضه عن طريق الاجهزه الرياضيه .. الموضوع بيبقى صعب فى الاول .. لكن مع ظهور اول تحسن ملحوظ ان البطن بدأت عضلاتها تنضبط و تاخد الشكل المشدود هتلاقى الامر من اصعب لاسهل جدا .. وفى الجزء ده هنهتم بموضوع الرياضه من خلال النصائح الاتيه :-

أ) المثابره على ممارسه الرياضه

طريقه الحصول على بطن مشدود

ممارسه الرياضه ليست بالامر السهل لانه بيحتاج مجهود كتير لكن الايجابى منه انه مش بيحتاج وقت كبير و بتبقى نتايجه الفعاله اسرع بكتير من العلاجات الوهميه الى بنتابعها دايما على الاقمار الصناعيه .. الرياضه بتبقى عصب الجسم و قدره تحمله و البطن المشدود بتبقى اول علامات نجاح الجسم فى الانضباط .. عشان كده ببيقى محتاج شويه صبر ومثابره فى اول تمرينات هيقوم الجسم بيها .. وده ممكن عن طريق تقسيم الالعاب الرياضيه الى هتمارسها لمجموعات عشان الجسم ياخد فتره راحه صغيره وتقدر تكمل بعدها حتى لو فى رياضه المشى او الجرى .

ب) ممارسه تمارين البطن

طريقه الحصول على بطن مشدود

تمارين البطن بتعد اهم تمرين للحصول على البطن المشدود واللياقه البدنيه بوجه العموم لانها بتهتم بمركز الجسم كله .. المعده .. الجزء الاساسى المسئول عن الحركه وتوزيع الطعام فى الجسم .. قله الحركه هى الى كانت بتصيب البطن بالترهلات و بتخلى الكرش يظهر .. لكن تمارين البطن بتمنع الموضوع ده لانها بتشد عضلات البطن و بتساعد انك تحصل على بطن مشدوده لو مارست التمارين بأستمرار .

احنا خلصنا كده اهم النصائح الخاصه للحصول على البطن المشدوده .. هنتكلم دلوقتى عن مفهوم خاطئ الناس معتقده انها بتساعد على الوصول على البطن المشدود

تخطى الوجبات الغذائيه

طريقه الحصول على بطن مشدود

موضوع تجاهل الوجبات الغذائيه من اجل التخسيس او الحصول على بطن المشدود معتقد خاطئ جدا .. زى مثلا وجبه الافطار .. مينفعش الاستغناء عنها لانها وجبه رئيسيه بتمد الجسم بالطاقه فى اهم جزء من اليوم وهى فتره النهار .. ممكن نقلل من الوجبه لكن مينفعش الاستغناء عنها .

ارجو ان الموضوع يكون نال اعجابكم