يعنى ايه snipping tool !

ترجمتها حرفيا اداه لقص الاشياء او نقدر نقول Screen Shot و ده الى احنا هنستخدمه فيها فعلا .. هنستخدم الاداه دى فى قص  صوره من سطح المكتب او المتصفح او اى شئ ظاهر على الشاشه قصادك بأسهل ما يمكن ودى احسن من الطرق القديمه زى استعمال زرار Print screen الموجود فى الكيبورد وبعد كده ندخل على الرسام-دى طريقه قديمه ومتعبه-الاداه دى بتوفر كل المجهود ده فى ضغطه واحده

مميزات برنامج snipping tool

الاجابه بسيطه خالص  .. البرامج الى بتكون نازله مع الويندوز دى اسهل برامج بتقدر تشتغل من غير مايكون فى تهنيج او حتى errors لانها نازله اساسيه مع الSystem الخاص ب الويندوز .. غير ده كله فيها امكانيات لذيذه جدا فى التحكم ف التصوير بيها وهوضح لحضراتكم الكلام ده

طريفة فتح برنامج snipping tool في ويندوز 7 :

نفتح قائمه Start  win7start ونختار منها All Programs وبعد كده Accessories و اما نفتحها هنلاقى فيها الاداه snipping tool الى احنا هنتكلم عليها  طول الشرح

22-06-2015 03-37-15 م

او ممكن نجيبها بطريقه تانى

هنفتح قائمه Start win7start ونعمل بحث عن كلمه   وهتظهر فى نتائج البحث

22-06-2015 03-37-15 م

كده احنا قدرنا نوصل للأداه بسهوله  جدا

 شرح استعمال برنامج snipping tool :

فى البدايه اول ما نفتح البرنامج هيكون ده شكله

Windows-Snipping-Tool

هنضغط على كلمه New Start-Menu-Button هتظهرلنا الاختيارت الى ممكن نستخدمها فى البرنامج

Windows-Snipping-Tool

1- Free-form snip

و ده الاختيار الخاص بأستخدام التحديد الحر فى التصوير — بمعنى اصح تحديد يدوى على حسب حركه الماوس

2- Rectangular snip

وده الاختيار الخاص بالتحديد التقليدى-الى بيكون فيه على شكل مستطيل اثناء التصوير

3- Windows snip

و ده اختيار مميز بيقدر يصور كل الى ظاهر على الشاشه باتثناء شريط الTaskbar

4-Full-screen snip

و ده الاختيار الى بيقدر يصورلك الشاشه بكل التفاصيل الى فيها زى الtaskbar

كده احنا اتكلمنا على كل المميزات الخاصه بالبرنامج وطريقه استعماله

شرح التعديل علي الصور في برنامج snipping tool بعد التقاطها:

علي سبيل المثال الصورة دي :

23-06-2015 03-05-40 ص

عندنا اكتر من اداه نقدر نستعملهم ف تعديل الصور

23-06-2015 03-10-18 ص دى بنستخدمها فى حفظ الصوره وهنرجعلها تانى فى اخر الشرح

23-06-2015 03-09-30 ص ده قلم للكتابه على الصوره وموجود منه 3 الوان من الاختيارات الى جنبه

23-06-2015 03-09-49 ص دى من خلالها نقدر نبعت الصوره لاي بريد الكترونى

23-06-2015 03-08-44 ص ده قلم بس خطه اتخن شويه نقدر نكتب بيه على الصوره

23-06-2015 03-05-40 ص دى بنقدر نمسح بيها اى حاجه عملناها بالادوات الى فاتت-نقدر نعتبرها Undo

23-06-2015 03-14-56 ص دى اخر اداه لو حابين نعمل صوره جديده بدل القديمه دى

فاضل جزء صغير ف حفظ الصوره واغلب الاشخاص تعرفه

اما ندوس على علامه save 23-06-2015 03-10-18 ص بيظهر اكتر من اختيار تحت اسم الملف — بنقدر نختار PNG لو عاوزين الصوره كبيره وبجوده عاليه جدا — او ممكن نختار JPG لو عاوزين الصوره تكون حجمها صغير